A klanes Tropfal Gift (A little Drop of Poison)
I steh auf Wean, a wons duat a Tropfal Gift gibt
Wast eh wia knopp, wia olle stengan fua Stahof
I bin alla, und fua mia de weissn Puifaln
I spia mia geht’s guat won I nix gspia
Sie hods gstraht sie is gfoin, wia a Büdl vo da Wond
Wahscheinlich hods a klanes Tropfal Gift ghobt
Heast hod da Teifl de Wöd gmocht,
wia da Herrgod grod fuat woa?
Du griagst sicha a ka Zipfal vom Glick
A longs Pfiadgod, und mea ois hundad Noan bleibn
Mei besta Freind is des Gift
Sie hods gstraht….
Wast eh de Rotzn wissen imma
wons min Ruas zduan hobn
Do bei uns valierst wos jedn Toch
Jo friacha woa no a Schülling a Schülling
De finden imma an Wech wias di hobn
Sie hods gstraht …
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Bis zum Owinkn (Tango ’till they’re Sore)
Kaum spüts amoi wos Gstrompftes,
fongan d’ Bücha o zum brün
Die Buama ziagn n’ Schwonz ei ,
d’ Gfrasta kumman noch fuan
Sie stöns sie wie de Pfau,
se tonzen bis nix gspian
Olle homs an Jomma,
dea is zaus vagessn wuan
Chorus:
Und los mi ausn Fensta prackn,
mit Konfetti in de Hoa
Auf da Deckn auf da Stiagn
a boa Beischlreisser schnorrn
und i dazö mei gonzes Leben,
nua üba mi do wea i liagn
schick mi in die Foin auf ewich no
:
Wast eh jetzt kummt don glei mei Liadl,
wos auf die Bankln donzn dan
Wast wos schleich ma in die Kirchn,
dama Büdln übamoin
Oda na, mochmas amoi gonz ondas,
hau die Tschinön, don kenn ma foan
Versteck mas Saxl unta da Tuchent,
weu den gonzn Schmoan ko i ma spoan
Und los …
Sichst eh wos die do unt ois ohom,
es is sicha wos bessas, s‘ schaut aus zum speibn
Und wias don so deppad hupfn,
ois wia de Viecha wonns as dreibn
Heast I mecht wida amoi an Bam segn,
oda hoit ma d’ Luft o bis ma krepiern
Schreib ma mein Noman auf mei Birn,
schick mi ois Postkoatn noch Wean
Und los ..
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Bis es Gerschtl beule is (Til the Money Runs Out)
Gib das – ’s Saftl dos do obaschwabt von obn
des schlogt do Wön und don is Wean noch Bagdad umagschobn
Ea’s zua, und vadraht siasse Sochn am Trottoa
De Mitzi mocht eam 27 Foara fian Tala
Min 17 Flaschln Undaberg sichst nix und neamd mea kloa
Du hapst scho heit die Zeidung die fia muagn gwesn wa
Heast des Dunnaweda –heast mein Wecka homs ma gstessn
I spend a vierdl Bluad und sauf a Ochtl beim Chinesen
Irgendana zind mi don beim Prodawirtn oh
Wast eh wonst ohschreibts sans glei happich ois wast a Bücha oda so
Oiso bessa baba Madl, Madl baba
Dira Haring, öame Söh und Spüzeighos vom Proda
Wia brün uns oh wiad Depadn an Stern reissn beim Voda
I duas Wischpan iba-driba gschisti gschasti hean
De san se do nua olle z’guat de wean no Rotz und Wossa plerrn
Oiso bessa baba Madl, Madl baba
Dea Oide mitn gspitzt’n Gfries dea drischts und des im Mai
Donn schlanklt a vom nextn Bam min Seidnschoi dabei
Er hot no gsogt i kennt net zruck und es is hoit so wias is
Oba i bleib scho no do z’mindest bis es Gerschtl beule is
Oiso bessa baba Madl, Madl baba
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Da Vetlina (Tom Trauberts Blues)
Voi zua und voi ohglahnt
und des net weng an Voimond
Hob grod gnua Marie no fia heit
Oba fia muagn
Heast kunntast ma wos buagn
A poa Netsch dos a muagn wida hast
I tonz min Vetlina,
I tonz min Vetlina,
Und nochan don tontzt don
Da Vetlina mit mia
Ois unschudichs Opfa
Kämpf i echt topfa
Oba de Trottln do gengan mi oh
Do redns so gschissn
ois dadn’s ois wissen
Und net nua ia Wampn is fett
I tonz …..
Und de Hundsficha keifn
Und I kons net begreifn
Wö es kanntad’s sofü fia mi tuan
Heast haud’s mi ind Fettn
Heast zreis ma mein Janka
Wö heit bin i gonz desparat
I zöh meine Viertln
I hea deine Liadln
Des do singt’s fia mei schene Leich
I tonz …..
Des Glick losst mi ohglahnt do
Seit i mit dir packln dua
Des was a da Doppla vom Wiat’
A de Jugos fom Oisagrund
Und de Herrn vom Prodastean
Und de Madln de duat
woatn auf eich
I tonz …..
Na (Vetlina) du bist net mei Habara
Des woa ma vo Onfong kloa
Und dos’d Strossn net do san fia’d Dram
Merdagruabm, Reibahöhn,
des Hian wüsst ma ausastöhn
Und nochan wüsst no den Rest vo mia,
I tonz …..
Wasd wos frog olle Sandla
de Wagln von’d Standla
Und a da Oide im Roistui was a
Da Vetlina is schuidich
Seine Händ san bluadich
Oba jetzt kumm i eam do, nimma dafo
I tonz …..
Wia a oide zfetzte Toschn
In ana grindichn Strossn
Wia a Kretzn de nimma vaheut
Ka sias’s Madl
Oba auf ian Kladl
San Fleckn vom Wei
und Fleckn vom Bluat
Guad Nocht Strossnkehra
Mistkibl-Auslaara
Und guat Nocht dia Vetlina… aaaaa
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
De gonze Wöd wiad schee ( the world is green)
A Sprung in koide Wossa
Und donn host gsogt „ Jo gern“
Es woas ma wert, i gabat ois
Ois fia a bessas Lebn
Du worst mei wüdes Firnament
Oba a Mo is oft a Viech
Aus Kenich mochst du Sandler
Und Sandla keniglich
Refrain:
Jo glaubs, mia wast nix schuidich
Und de gonze Wöd wa schee
So wies woa, kos wieda wern
Und gonze Wöd wiad schee
:
Des Gsicht vazeiht n Spiagl
Da Wurm da Schaufl a
Nua ans dad i gern wissn
Obst a vazeihn konnst do
Vielleicht wenn ois vorbei is
lossns uns donn endlich geh
De Buama spühn don unsa Liad
Und gonze Wöd wiad schee
Refrain:
Jo glaubs,…
:
Da Mond is göb und Süba
Ach god, da Summa bringts
Fia de Liebe mocht ma a wem koid
Und gonze Wöd wiad schee
Auf an zortn Groshoim
Liegt a Diamant
Des is da Tau auf unsan Grob
Und gonze Wöd is schee
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Dreck in da Gruam (Dirt in the Ground)
Jo es is eh bare, dramst vom valiabn dramst vom liagn
Weu nochan is ois ans ,wo ma don do untn lign
Da Tod wiad se net schleichn,was a wiesd hast und weasd bist
Da Wind pfeift da duach d‘ Bana, des is don ois wos no is
Weu nochan san ma olle
Jo, Jo
…
I man, nocha san ma olle nua a Dreck in da Gruam
Mit da Fedan vo an Kauz, min Bluad wiad des gschribn
Monchmoi was I net bin i da Wind, oda a Vogal beim fliagn
Weu de Hö is grammltzua, Da Himml pladdlfoi
Oba wia zahn wia deppad oh da Keddn, de uns do hoidn sui
Oba nochan san ma olle
Jo, Jo
….
I man, nocha san ma olle nua a Dreck in da Gruam
A Gangsta grinst und hod Nervn wia a Drohtseu so dick
gehd a aufe ibat Stiagn, schlanklt da Strick
Denan Leid gingat de Muffn, se dadatn platzn se dadatn plean
Und den schiachn Oidn min Hackl konnsd beim aufagehn hean
nochan san ma olle
Jo, Jo
…..
I man, nocha san ma olle nua a Dreck in da Gruam
Da Kain daschlogt sein Bruada, mid an Sta in seina Hond
Es dunnad und es blitzt, es reissd n Himml vonanond
Kummt a Ba nebn an Boch aus Bluat und Haut no zum leben?
Frog an Kenich, frog an Sandla se wean da ans zua Ontwuad gebn
nochan san ma olle
Jo, Jo
…
I man, nocha san ma olle nua a Dreck in da Gruam
nocha san ma olle nua a Dreck in da Gruam
I man, nocha san ma olle nua a Dreck in da Gruam
nocha san ma olle nua a Dreck in da Gruam
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Schoko Jesus (Chocolate Jesus)
Am Sundoch geh I net in d‘ Kirch’n
Zum bet’n geh i net auf d‘ Knia
I kenn a net de Biblbiacha
Sowos gibt’s do net bei mia
Oba i was i bin a a Guada
I glaub des wiad a imma mea
Wö i geh eh auf d‘ Knia am Sundoch
Im Zuckalgschäft am Spittelberg
Und duad kaf i ma an Schoko-Jesus
Dea mocht ma don a guade Zeit
Kaf i ma an Schoko-Jesus
Kummt de Glicksölichkeit
Oiso i steh do net nua auf’d Müka
Es is wuascht gibt’s ka Suchard
Mia is nua ans wichtig
Dos is nocha haban ko
Wö do is echt nua ans wos mi firehaut
Wös bessa is ois fü Marie
Schau, nua so a Schoko-Jesus
Hot an Sönfriadn fia mi
Won de Sun obabrennt und da Öck is ibaroi
Don losst eam am besten in sein Stanioi
Wö don zrinnta zum Gatsch, oba des passt jo don eh
Don leffl i eam nocha zum Müchkaffee
Oba, i kaf ma nua an Schoko-Jesus
Dea is guat fia mi
I kaf ma nua an Schoko-Jesus
Wö dea is guat fia mi
Und I kaf ma nua an Schoko-Jesus
Dea mocht ma don a guade Zeit
Kaf i ma an Schoko-Jesus
Kummt de Glicksölichkeit
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Wos Intus (Jockey full of Bourbon)
De rode Mirl in da totschickn Schoin
Auf da Tramway pickt des Bluat vom Fronz
De Jugopuffn de Net schiassn woin
I am Bankl und da Reg’n konns.
Ois wia a Stickl mid n Qualtinga
I hob gsoffn aus an oidn Scherm
In da Schoin fo da Frau Mama
I hob wos intus; Mia is zum sterbn
Chorus:
Heast klana Hos, nimm Huaf ind Hond und Renn
Heastn Jaga schiassn; deine Gschroppn San am End
Heast klana Hos, nimm Huaf ind Hond und Renn
Heastn Jaga schiassn; deine Gschroppn San am End:
Da Hansl griagt de Bodön auf d Bian
Don hatsch i leida n Gankal am Schwaf
Jetzt sich I n Mond nuamea strafalweis
Bis is vo Sta wida aussaschoff
A lila Fisch in da bluadichn Hond
De fesche Kotz mocht auf Cola Rot
Sie is zwoa do, oba wia san net beinond
schau da Vom Steffl obn – Wean amoi o
A göbe Wäsch am Rattanbett
Und Söma Saxln mid an Zeigl aus Goid
Sie mant: wa ma zu Süvesta fett
Mochadn eam so 100 Kilo koid
De rode Mirl in da totschickn Schoin
Auf da Tramway pickt des Bluat vom Fronz
De Jugopuffn de Net schiassn woin
I am Bankl und da Reg’n konns.
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.