Amstettn (First we take Manhattan)
Gebn homs ma 20 Joa long fad sei
Weu ma vo innan ollas sprengan hobn woin
Oba jetz kumm i, und mid mia do kummt da Zoidog
Zerschd spreng ma Amstettn,nochan spreng ma Wean
I wea gsteiad vo de Zeichn obm fom Himml
I wea gsteiad vo de Norbn de ma ghern
I wea gsteiad von de iba driba Woffn
Zerschd spreng ma Amstettn, nochan spreng ma Wean
Du sogst ma dos da taugt mit mir zum lebn
Dost stehst auf mi, meine Flausn und mei Schoin
Oba sichst de Leid wias olle rennan in a Richtung
Jo friacha, jo friacha, jo friacha woa i a so a Doim
I hob da gfoin ois a Faliera, oba jetz schebbast dos i leicht gwinn
Du kanntast mi jo stoppn, oba dia föht hoit de Diziplin
Wos hob i bet wos hob i bettlt, dos ma endlich statn dan
Zerschd spreng ma Amstettn, nochan spreng ma Wean
I hoss des dos es Göd mochts nua min schee sei
Und ollas wos es eiwerfst zum supa wern
I hos des wos es gmocht hobts mit meine Spezln
Zerschd spreng ma Amstettn, nochan spreng ma Wean
Du sogst ma dos da taugt …
I donk da wosd ma gschickt host do fia Sochn..ha ha ha
Des Affal und de Spüzeigviolin
I hob gübt ois wia Trottl, jetz bin i fertig
Zerschd spreng ma Amstettn, nochan spreng ma Wean
Friacha hob i glebt nua fia de Musi
Wia hom gfruastückt imma zomm, und des a gern
Oba heid is da grosse Doch, und olle wern bliatn
Zerschd spreng ma Amstettn, nochan spreng ma Wean
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Ana vo uns liegt ned foisch ( One of us coudnt wrong)
Fia a bissal Romantik
Moch i a klans Kerzal on
Oba des gfoid nua den Minkaln
Und i fiacht jetz fressns mi zom
Und don nimm i den Rest, fo dea schloflosn Nocht
Und kipp eam in d Schuach meiner Braut
Und don gib is a zua, des min Kladl vo dia
Wo de Wöd, wonnst das trogst, ois durchschaut
Weng mein Herzn muass i zum Dokta
Und ea mant dos i Schluss mochn miasst
Don stöd a sie söba a Rezept aus
In dem ma dein Noman drin lest
Und donn sperrt a sie ei, in seina Kanzlei
Mid Büdln vo unsra Hochzeitspartie
Und vom Spitoi heat ma don, dos eam schlecht geht dem Monn
Und sei Praxis is so guat wie hi
Donn dea Heuliche mit dem du zom woast
Bei dem i glernt hob bei Tog und bei Nocht
Dea gsogt hod wo mas mit da Liebe echt ernst mant
Häd ma gern a ois ondasrum gmocht
Do kaum wor i ma gwiss, dos sei Gschicht do wos is
Is a ind Donau gongan zum sterm
Oba es warad a gleich, is a a Leich,
Weu blaudan kon man imma no hern
A Eskimo der hod an Füm draht
Fo dia in sein Eskimobau
Dabei hoda gschebbad und zittad
Seine Lippen und Finga woan blau
I glaub er is donn dafruan, wiasd dei Gwond host valuan
Im Wind, es woa zum krepiern
Du bist schee do wia nie,
im Eis und im Schnee
Kumm loss mi fua dia do dafriern
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Barbara ( So long Marianne)
Ge bittsche kum knopp hea fuas Fensta do
I mechad dia gern wos dazöhn
stöh da fua i wa dei Märchenprinz
mid an weissn Pferd hoi i di oh
Oba, So long Barbara
So long Zeit no wa
Zum loch und wana und wana und lochn
so long wa ois kloa
wast eh, mid dia woa i ua gern zomm
Oba,wegn dia hob i so fü vasamt
Vasamt hom ma zum betn fia de Engaln
Und donn hom de Engaln fia uns zum betn vasamt
Oba, So long …
Am Onfong worn wia jo Kinda no
Do im Park, umd Eck , klei bei mia
Ogschaut host mi ois wiar an Heulichn
Und umagrutscht san ma auf de Knia
Oba, So long …
Gschriebn host ma imma dosd de Meine wast
Oba warum füh i mi donn so alla
I steh kurz vorm Obgrund, oba dei Spinnannetz
Hoit mi fest bei mein Fuas on an Stah
Oba, So long …
I brauchats jetzt grod dosd bei mia wast
Weu ma koid is wia auf an Minenföd
oft hob i gsogt i warad neigarich
oba nie hob i gsogt i wa a Höd
Oba, So long …
Wast eh, Waits du bist echt a fesche Frau
Oba weg bist, mid an foischn Nom
Und des jetzta, wo ma grod üban Berg wan
Und unsre Augn vom Regn drikad wan
Oba, So long …
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Dei Jackn, de Blaue (Famous blue raincoat)
Es is vier in da frua, spät im Dezemba
I denk ma, i schreib da, zum segn gangats bessa
De Weanastod is koid, oba es passt scho zum lebn
Ibaroi Wirtn, ois wosd wüsst kanntast hobn
Wia ma heart baust da jetzta, a klans Heissl in da Pampa
Du brauchast nix zum lebn, (schau nua dosd ned) vakummst bei de Wappla
Und d Marie die hod a poa Hoa vo dia ghobt
Dos as griagt hätt vo dia hod se gsogt
In da Nocht wo sd so füh fua ghobt host
Hosd echt fü fua ghobt?
Ausgschaut, zum Schluss donn host, dreissig Johr öda
Dei Jackn die Blaue, gonz zrissn bei da Schulta
Am Bahnsteig hos gwort, do hom ma di gsegn
Ham bist don kumman ohne Lilli Marlen
A Stickerl vo dein Lebn, host da Meinichn gebn
Leicht wegen dem, woits donn mid kan vo uns lebn
Und i sich di do, wia an grichischen Held
Dea si ois wos eam gfoid afoch nimmt
Di Marie is jetz woch
Sie sogat Hallo
Wos soi i da sogn, mei Bruada, du Teifl
Wos kunnt i da sogn
I glaub i vamiss di, i glaub i vagib da
Zum Schluss was a eh bessa so
Und wonnst wieda kummast, fia d Marie oda mi
Wast eh, dei Todfeind dea schloft jetzt, wast eh sei Madl is frei
Und dongsche dosd ia zeigt host wos ois meglich wa
I hed ma des domois nie docht,
dos sie des jemois so sicht
Und d Marie die hod a poa Hoa vo dia ghobt
Dos as griagt hätt vo dia hod se gsogt
In da Nocht wo sd so füh fua ghobt host
Danke, Leonard Cohen
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Des wa ka Oart won ma jetzt geht ( Hey, thats no way to say goodby)
Gonz zeidlich nebn mia
gspia I di gmiadlich woam
De Hoa vo dia am Poista
wira a miada goidna Stuam
eh, voa uns woan a scho vül
Und erfunden homs ned mia
am Lond und in da Stodt
Woans glicklich a so wie mia
Und jetzt is do des do zwischn uns
Und schaun mias ma wos geht
In deine Augn glänzt da Jomma
Hey, des wa, ka Oart, won ma, jetzt geht
Und i schau ned fia wos ondas
Won i a tua so wia i tua
Ge, geh mas midanonda
mia hom jod gleiche Spua
Und du wast i steh und geh mid dia
Wia du a auf mi stehst
Nua da Weg wiad monchmoi ondas
Wia bei da Donau wonst vastehst
Und red ma, ned vom eigsperrt sei
Und wos nochan eh ned geht
In deine Augn glänzt da Jomma
Hey, des wa, ka Oart, dos ma, jetzt geht
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
I wa do ( I‘m your man)
Woitast du an Monn don
Tad i ois wosd wüsst vo mia
Und woitast donn an ondan (don)
Nimm i a a Maskn fia di
Oda wüst an Partna, do wa mei Hond
Oda woidast wem zum streidn, na Hauptsoch beinond
I sog a so I wa do
Und woitast du an Boxa
Steigat i a in Ring fia di
Und woitast du an Dokta
Untasuach i jedes Ding an dia
Und brauchast an Schofeur, hupf eine bei mia
Und forast nochan gern söba, hupf i eine zu dia
Oba ans so wie so
I wa do
Ah da Mond wiad schwoaz Und de Kedn wird zkurz
Weu de Monsta san höwoch
Und i denk grod noch Wos i vasprochn hob
oba zum hoidn woa i leida donn zschwoch
Oba a Mo griegt hoit nie de Seiniche zruck
Won a a beddlt und rutscht uma auf de Knia
Oba i bitt und i bettl und foi fua di hi
Und i heu wia a Woif zu seina Wölfin hi
Und i raf um dei Herz, und rea an Schoddadeich hi
Nimmst mas eh oh I wa do
Und wonst a bissal wos eischlofast beim Foan
Lenkad i gschwind fia di
Und woitast nochan alanich weida tuan
Schau i dos i vaschwind fia di
Oda woitast ua an Voda fia dei Kind
Oda geh ma nua Hond in Hond am Strond
I sog a so
I wa do
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
In da Musik ihrn Turm (tower of song)
Meine Hoa san liacht, liacht wia meine Freind
Wo i friacha so gern woa, hob i heit oft ka Freid
Dabei suachad i noch Liebe mehr denn je,
oba es is nix wurn
So zoi i hoit togtäglich mein Zins in da Musik ihrn Turm
Wia is des so alanich?: hob i ihn Falco domois gfrogt
Oba leida hod da Falco bis Dato no nix gsogt
Dabei hear i eam dauand huastn, de gonze Nocht long
300 Steck oba mia in da Musik ian Turm
Fia des wos ma so midgrieagt, fia des ko ma jo nix
I schreib a bissl, sing a bissl und spü a bissl Sax
Und olle guadn Geister de hoidn mi zom
Und mit an Strick homs mi gfesslt auf an Tisch, in da Musik ian Turm
(Du glaubst de) Pupn mid de Nodln, die wa gfährlich do fia mi
Nua tuad ma lad, de Puppn schaut so überhaupt ned aus wia i
Und i stangad do beim Fensta, und de Sunn scheint mi oh
Weu i bin sicha vo olle meine Feind, in da Musik ihrn Turm
Leicht wirk i ziehmlich sauer, oba i glaub ma kos vastehn
Weu de Reichn hom de Händ bis unta da Tuchend von de Klan
Oba da grosse Zoitoch kummt no, oba i konn mi a irrn
(Na sichst so) hear is dauand raunzn und rean
in da Musik ihrn Turm
Ich sich du bist am ondan Ufer fuan
Wie isn do der Boch so riessig wuan
Friacha woa nix zwischen uns zwa
(Und oi de) Bruckn brennan jetzta,
Üba die ma gongan san
i füh mi so vabundn, mid (oin) wos ma nimma hom
Nie und nimma, nie und nimma gemas wieda hea
Und i sogad jetzt Baba, (wea was wonn) bin i wieda zruck
Weu de stöhn mi auf de Gleis zzruck zum Turm den i so mog
Und no long wenn i scho weg bin, wirst no vo mia hearn
I wea blaudan mid dia aus n Fensta vo da Musi ian Turm
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
is des des wos du woitasd ( is this was you wanted)
Vers:
Am Onfong worst du Hoffnung am Obend
I da Vasoga per Exempl
Am Onfong woast mei Herr, die Erlösung
I wechsl Göd im Templ
Am Onfong worst de Frau de ois gspiad hod
I woa da klane Onkel Dokta Freud
Am Onfong woarst de volle Erfüllung
I woa kla deppad und bled
Chorus:
Is des des, wos du woitast
Zum lebn in an Haus, wo‘s poitad
Wegn de Geista vo dia und mia
Is des des, …
Vers:
Nochan worst da Marlon Brando
I da Steve McQuenn
nochan worst de Chreme Brulee
A suppa Wocklpuddung i
Nochan worst da oide Grieche Hypogrates
I a Saubara Fex
Nochan worst des Biest und de Dirn aus Groß Babylon
I da Komisar Rex
Chorus:
Is des des, wos du woitast…
Vers:
Jetzta bist oid und vaschrumpld
I bleib bei 17 steh
Jetzta wüst ois wos zum hom wa
I imma nua di
jetzta dahengst di won kana do is
I schoffs bessa alla
Jetzta sogst du kanntast nie mid mia zom sei
Und jetzta stehst nokad do
Chorus:
Is des des, wos du woitast…
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Ka Diamand (Diamands in the Mine)
De Bubaln in Blau – san voi auf Revanche
A klana Bua plearrt hoid dauand dos a ollas bessa ko
De schene blaue Donau is a brauna Sumpf so wias is
Und de Bama brennan lichtaloh in eichan Paradies
Chorus:
Und do wa ka Briaf mea in da Post drin
Und do wa ka Wei im gonzn Lond
Und do wa ka Schoklad mea in da gonzn Bonboniere
und im gonzn Berg ka Diamand
vers:
Du dazöhst ma dos de Deiniche de Knochn brochn hod
Und du warast desparat, wengan schwoaz greanan Salod
Oba wa de blaue Bruad, nochan wida on da Mocht
Dadns olle massagriern, wia mas im Kolloseum mocht
Chorus:
Und do wa ka Briaf mea vom Postla
vers:
I man es is hoit ned recht gmiadlich, won de Deiffln zomman san
Oba a gonz a gscheida Docta, mant dos mas dareidn ko
Und de anzichn de no wos tuan, tuan auf Revolution
Und don bringans ois wos no wos wa bevurs wos is no um
chorus:
Und do wa ka Briaf mea vom Postla
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
LIEBE,TOD,BRANDTWEIN UND WIEN (Take this Waltz)
Wia ma was gibts in Wean fesche Damen
Und a a Schuita auf dea a se auswant, da Tod
Und an Tonzsooi mid neinneinhundat Fensta
Und a da Bam in dem de Taubn sterm, is durt
Und vom Gestan wiad a Stickal imma aufghobn
Und don eigfruan und ausgstöht in Wean
Ei ei ei ei
Tonz den Tonz, tonz den Tonz
Tonz den tonz wira gheart eng und gonz
A wahnsinn, a wahnsinn, a wahnsinn
Auf da Couch do min Buach do vom Tod
Tiaf In da Gruam auf da Spitzn ana Rosn
Auf an Gong wo jeda Herzschmerzn hod
Und am Bed, durt wo sonst meist nua da Mond schloft
Tonzt a Tonz, den a wüdes Viech dramt
Ei, ei ei ei
Tonz den tonz, tonz den tonz
Dea nix hod und ois vasamt
Chorus:
Dea Tonz dea Tonz dea Tonz dea Tonz
Von da Liebe n Tod, n Brandtwein und Wean
Und des End is de Donau am Grund:
Wia ma was in Wean gibts an Tonzsoi
Mid Spiagln womas Echo drin siacht
Wo an da Bar de Buama ned blaudan
Weu mas Lebn unds sterbn gleich gfircht
Ausa dea ane, mid dein Büdl in da Toschn
De want Konfetti auf de Tonzflächn hi
Ei, ei ei ei
Tonz den tonz, Tonz den tonz
Tonz den tonz, dea ewich scho stirbt
Und wia ma was, spün am Bodn obn Kinda
Oba boid liegn duat du und i
Und mia draman vom uroidn Ungarn
Nochmittoch kriag ma des hi
Und zwischn de schworzn Bedenkn
Do san Rosn auf da Wiesn und Schof
Ei, ei ei ei
Tonz den tonz, Tonz den tonz
I schwärs i griag die nie ausn Kopf
Dea Tonz dea Tonz dea Tonz dea Tonz
Von da Liebe n Tod, n Brandtwein und Wean
Und des End is de Donau am Grund
Und in Wean wern wia zwa nochan donzn
I ois Donau, ois dein Lebnsfluss
Mid Rosn auf meine Schuitan
Griagt dei Mund von meinan an Kuss
Und i valier mei Söh in an Album
In an Album mid Büdln vo dia
Und mei Musi, mei Saxl, mei Jomma,
Wern weggschwappt vo deina Pania
Und du schoffst mi don foi mid dein tonzn
Wiast di drahst, wia du schleifst, wia du gehst
Ei, ei ei ei
Tanz den tonz tonz den tonz
Ois wos is, des is ois deins…
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Warum ned (Why dont you try)
Warum schaust ned wias alla wa?
Wias so warad ohne eam?
Brauchst du wirkli seine Händ fia dei Erfüllung?
Brauchst du wirkli sei Herz ois Kenigin
Brauchst du echt sei Marie fia de Kinda?
Brauchst du echt eam ois Monsta nebn dia
Brauchst du echt a Kettn dos da guat geht
I wa sicha du wast supa,
du wast supa a alla
Warum konst eam ned afoch vagessn?
Loss hoit los mid deine liabn klanan Händ
Wast eh des Lebn häd no so vü schene Sochn
Sochn diesd wahrscheilich gor ned kennst
Wüst wirkli de Gruam fua sein Schloss sei?
Wüst wirkli nua a Stean sei in sein Dram
Wüst wirkli zu eam steh, won a so do steht
Wonn a pfeift auf seine Freindal,
Wonn a pfeift auf sei daham.
Wonst wüst don bring i di no hi zu deina Hochzeit
Des hast won i doda wissad wia des geht
Na schau, de Königskinder kumman zu ian Jomma
Und i fiacht sogor fias betn is scho zspät
Und wiasd sichst pletzlich dan se olle duckn
Und wiasd sichst pletzlich dadns olle hean
Und wiasd sichst pletzlich schwärns dos fia di do wan
Oba fia kan gibts mea an Ausweg,
an Ausweg aus ihrn Lebn.
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Wia a jeda was (everybody knows)
Wia a jeda was, jetzta wiad gwiaflt
Und wia a jeda was gwiaflt wid ned fair
Wia a jeda was de Schlochtn san gschlogn
Und wia a jeda was de Guadn gwinnan schwea
Und Wia a jeda was de Partie is gschobn
De Orman bleim unt, und de Reichn obn
Ois rennt in Kras
Wia a jeda was
Wia a jeda was im Boot is a Loch drinn
Und wia a jeda was, da Cäptn liagt
Und a jeda spiad so a dunkle Woikn
Ois wa wea gsturbn, oda da Hund krepiert
Und jeda liagt si gern in de eigane Toschn
Jeda wü a Pombonjere vanoschn
Und ois warad so klass
Wia a jeda was
Und wia a jeda was du und i wia san zomman
Und wia a jeda was bist jo ehrlich a
Und wia a jeda was is da des a sehr wichtig
Bis auf de ane Nocht, und de ondan zwa
Und wia a jeda was bist du sehr vaschlossn
Nua gabats hoit do imma so fü zum noschn
Und donn gibst hoit Gas
Wia a jeda was
Wia a jeda was,
wia a jeda was
Ois draht si im Kras
Wia a jeda was
Wia a jeda was,…
Und wia a jeda was, jetzta oda nimma
Und wia a jeda was, i oda du
Und wia jeda was, kaum hod ma wos gnumma
Wird ma zum Engal und hebt oh
Und wia jeda was des Gschäft is gsturbn
Und de Burma san olle deppad wurdn
Fia dei Schoin und dein Gspas
Wia a jeda was
Und wia a jeda was, de Pest is im onroin
Und wia a jeda was des onroin geht schnö
Und wia a jeda was, des Paradies is beule
Des schene freie Lebn is pasee
Und wia a jeda was de Party is gsturbn
Und du glaubst imma no es kanntad wos werdn
Nua des wird ka Spass
Wia a jeda was
Und wia a jeda was, du host ärgare Wickl
Und wia a jeda was, do muasst hoit durch
Kaum warast weg vom Koarlsplotz a Stickl
Foist ma eine in Oisaboch
Wia a jeda was jetzt foit ois ausanonda
Schau no amoi auf de unschuidign Kinda
Und don gehts los
Wia a jeda was
Wia a jeda was, …
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.
Wia a Vogal (Bird on a Wire)
Wia a Vogal auf an Drohtseu
Wia a Drangla dea Nima grod steht
Hob i glaubt, ois wa ma wuascht, i warad frei
Wia auf an Hockn a klana Wurm
Wia a Ritta on sein Turm
Häng i an dia, keast du zu mia, nix is fuabei
Woa i, Wo i vielleicht a a Noa
I hoff doss as vagisst, na meina Söh
Woa i, Woa i a monchmoi ned gonz grod
Oba I hoff du wast dos i gegen di nie wos gmocht hob
Wia a Kind wos scho tod aufd Wöd kummt
Wia a Viech des olle umbringt
Hob i jedn dea ma znachkumt, fertig gmocht
Oba i schwär, do bei dem Liad
Und bei oin wos no botschad wiad
I moch ois wiada gut nua fia di
A Sandla lahnt si auf sei Gruckn hi
Und don sogt a: I glaub du wüsst afoch zfü
Und A fesche Kotz lahnt si hea zu mia
Und foat mi o: Warum frogstn ned noch mea
Wia a Vogal …
Dieses Werk ist lizenziert unter einer Creative Commons Namensnennung – Nicht-kommerziell – Weitergabe unter gleichen Bedingungen 4.0 International Lizenz.